Gikompirma ni Police Lt. Col. Ariel Phillip Pontillas ang hepe sa Gingoog City Police Station nga ilang gidakop ang media practitioner nga si Jonas Bustamante sa ilang lugar.
Matud ni Lt. Col. Pontillas nga adunay pending nga 3 counts of libel si Bustamante nga giisyu sa korte gikan sa Gingoog City.
Dugang pa ni Pontillas nga sa karon nakapiyansa na si Bustamante.
Samtang usa matud pa sa mga nagpasaka og kasong libel kang Jonas Bustamante, mao mismo si Pol. Lt. Col. Ariel Phillip Pontillas.
Matud ni Lt. Col. Pontillas nga ang duha sa nagpasaka og kaso mao usab silang City Councilor Marlon Khu, ug si Ronnie Waniwan nga mao ang gi-serve nga warrant bag-ohay lang.
Apan giklaro ni Pontillas nga dugay ra nga gi serve ang iyang gipasaka nga kaso, ug nakapiyansa na niini si Bustamante.
Nasayran nga giisyu ang warrant of arrest ni Bustamante ni Honorable Judge Navarro.
