Kapin sa 30 porsyento na lang ang health personnel sang Bacolod Respiratory Referral Center- ang temporary COVID-19 facility sang Bacolod nga ara sa Queen of Mercy Hospital.
Ini suno kay Captain Lizah Dorao, Medical Corps Officer (Military Doctor) sang Philippine Airforce sa interview sang DYHB.
Si Captain Dorao ang isa sa duha ka medical team sang Armed Forces of the Philippines (AFP) nga ginpadala sa Bacolod sang Agosto 28 para magbulig sa away kontra coronavirus.
Sa interview sang DYHB kay Dorao nga assigned sa Bacolod Queen of Mercy Hospital, ginpahayag sini nga madamo sang mga health personnel sang hospital ang nag-resign na kag ang iban ginaquarantine pa rason nga apektado ang ila Covid ward.
Dugang pa sini nga magluwas sa gamay na lang nga health personnel assign sa Covid cases, gamay nalang ang nabilin nga bed capacity para sa mga COVID-19 patients.
Iya man ginlaragway nga indi masyado ka lalá sang sitwasyon sang Bacolod ikompara sa una nila nga tour-of-duty nga amu ang NCR kag Cebu sa diin nagaginutok gid ang mga pasyente sa ospital.
Ang ila pagkadto diri amu nga buligan ang mga ospital lakip man ila i-assess ang sitwasyon sang Bacolod paagi sa pagtipon sang mga data.
Si Captain Dorao ang nakaquarantine sa karon matapos 14 diyas nila nga pagduty sa diin magatiner pa sya sang isa ka bulan sa Bacolod upod sa 11 pa ka mga medical team sang AFP, sa diin katunga sa ila ang naga-duty naman sa Riverside Medical Center.
[image: image.png]
