[image: IFM 919 Logo (1).jpg]
Hagbong sa kamot sa Regional Police Drug Enforcement Unit 12 ang duha ka mga drug suspects human madakpan sa anti-drug operations sa may Purok Islam Barangay Dadiangas South niaging gabie.
Giila ang mga suspek na silang Salik Bin Abdulkarim hamtong ang edad ug traysikel drayber ingon man si Freddie Pajarillo na usa ka mekaniko.
Sa imbestigasyon sa RPDEU 12 positibong napalitan og usa ka pakete sa gituohang shabu si Abdulkarim sa poseur buyer na pulis.
Narekober pa sa suspek ang laing pakete sa iligal nga droga ug 500 pesos na buy bust money samtang hugot gihimakak ang alegasyon.
Gisusi sa pulis ang mga mensahe sa cellphone ni Salik Bin og nadiskubrehan may katransaksyon pang laing tawo.
Hinungdan nagpahigayon og follow up operation og nadakpan si Pajarillo kung asa duha ka pakete sa iligal nga droga ug 500 pesos nga buy bust money ang nakuha.
Gideny ni Pajarillo ang alegasyon nga siya pusher ug may koneksyon kay Abdulkarim.
Matod sa kapolisan lig-on ang ilang ebidensya batok sa duha nga parehong bigtime drug pushers.
Mokabat og 35 mil pesos ang kantidad sa iligal nga droga ang nakumpiska sa mga suspek.
