General Santos City—Nagpabilin sa ospital ang usa ka Menor de edad nga itago lang sa pangalang Jhon, 17 anyos nga taga Barangay Calumpang kansa una nang gidunggab sa wala pa mailhing mga suspetsado niadtong nakalabayng adlaw.
Sa inisyal nga imbestigasyon sa Police Station 5, nagbaktas lang ang biktima uban sa iyang mga barkada sa may New Bohol, Barangay Calumpang dihang kalit lang silang giatake sa grupo sa mga batan-on.
Ang biktima maoy nadunggaban sa kilid nga bahin, paspas usab nga misibat ang mga suspek sa wala masayring direksyon samtang ang biktima dayong gidala sa Gensan Medical Gensan Center nga nahimutang sa Barangay Calumpang.
Posible matud pang natripan sa mga suspek ang biktima. Sa karon padayon pang gipangita sa otoridad ang mga suspetsadong responsible sa pagpanunggab.
