Menor de edad nga gi-aligarang milugos ug mipatay sa iyang amo, gikatakdang kasuhan

37

General Santos City—Gikatakdang kasuhan sa Police Station 3 ang usa ka menor de edad nga una ng mipatay ug gi-aligarang milugos pa ngadto sa iyang amo nga nailang si Darlyn Tupas, 45 anyos, negosyante ug residente sa Prk. 19, Brgy. Lagao ning dakbayan.

Sumala kang Police Major Ruelito Lumiguid, Hepe Police Station 3 nga alas 11:00 pasado ang takna sa gabii sa dihang nahitabo ang krimen sulod mismo sa balay sa biktima kung asa paspas nga misibat ang suspek nga giilang si alyas Junior, 16 anyos, nga residente sa Pulonuling, Tupi, South Cotabato.

Human sa pipila ka oras, bulontaryo matud pa nga nisurender ngadto sa kapulisan ang suspek. Pursigido matud pa silang pasakaan ug kaso ang suspek nga nakatakdang dad-on sa Bahay Pag-Asa. Dugang pamahayag ni Major Lumiguid Personal Grudge ang ilang ginatan-aw nga motibo sa krimen, gumikan subay sa pamahayag sa suspek, wala kini gina-swelduhan sa biktima ug wala ginatugutan nga mag-uli sa ilang balay.

Samtang kasong Rape with Homecide ang kasong gikatakdang ipasang-at ngadto sa suspek gumikan sa pagtuong gilugos pa ang biktima ayha gipatay gumikan kung basehan ang crime scene, naka-naug na ang underwear sa biktima, apan kining tanan maga-depende matud pa sa resulta sa medico legal, ug sa higayon nga masayran nga walay lugos nga nahitabo, kasong homicide lamang ang atubangon sa menor de edad nga suspetsado.(LVR)

Facebook Comments