MENOR DE EDAD NGA NAGCHECK-IN SA RESORT SA AREVALO, NARESCUE; TAG-IYA SANG RESORT MAY SALABTON SUNO SA TASK FORCE ON MORAL AND VALUES FORMATION

i Balita
February 15, 2019
(Photo from web)
Narescue sang Task Force on Moral and Values Formation ang 17 anyos nga dalagita sang Oton matapos magcheck-in sa isa ka beach resort sa Arevalo upod ang iya 19 anyos nga nobyo nga taga-Mandurriao.
Suno kay TF on Moral and Values Formation Head Nestor Canong, nadakpan ang duha sang nag-undercover nga tawo sang syudad takna las dos y media (2:30) kaina sang hapon.
Ginpahayag ni Canong nga may salabton ang tag-iya sang beach resort sa pagpahanugot nga magcheck-in ang duha apesar nga menor de edad pa ang babaye.
Sa karun, ginahulat sang Task Force ang ginikanan sang lalaki bangod ara na sa area ang Tatay sang babaye agud estoryahan ang sitwasyon.
Sa kabilugan, as of 6pm subong nga Valentines day, nagakooperar man ang iban nga motels, apartels, hotels kag inns sa syudad sang Iloilo sa hingyo sang task force nga indi pagpahanugutan ang menor de edad nga magsulod sa ila establishemento.

Facebook Comments