Menor de edad patay, matapos luthangon.

Patay ang isa ka menor de edad sa nagluntad nga pagpangluthang sa Brgy. Ned, Lake Sebu, South Cotabato pasado alas 8 sang gab-i sang tinalikdan nga adlaw.
Ginkilala ang biktima kay Karem Makadkid Alejo, 16-anyos, residente sang nasambit nga lugar.
Sa imbestigasyon samtang nagahigda ang biktima kag ang tiyo sini nga si Ricky Alejo, 45-anyos, mangunguma kag residente sang Kalawag II, Isulan, Sultan Kudarat sang gulpi lang suno pa nga nagsulod ang suspek kag gintiro ang mga biktima gamit ang wala nahibaluan nga klase sang armas luthang nga nangin kabangdanan sang kamatayon sang 16-anyos.
Nakaangkon naman sang igo sa dughan si Ricky Alejo nga gilayon naman nga gindala sa Sultan Kudarat Provincial Hospital.
Insigida naman nga nagpalagyo ang suspek sa wala mahibaluan nga direksyon.
Sa subong nagapadayon pa ang imbestigasyon sang Lake Sebu MPS sa nasambit nga insidente.
Virus-free. www.avast.com <#DAB4FAD8-2DD7-40BB-A1B8-4E2AA1F9FDF2>

Facebook Comments