Mensahe sa kaluwasan dawaton

16

Davao City – Ang Semana Santa maoy panahon nga gitagana sa simbahan alang sa katawhan aron mamalandong sa pagbangutan, kamatayon ug pagkabanhaw ni Ginoong Hesu Kristo.

Sumala ni Msgr. Paul Cuizon sa Simbahang Katoliko, usa kini ka panawagan aron kita molambigit tungod kay kita ang hinungdan sa kamatayon ug pagkabanhaw niya.


Gipasabot usab ni Msgr. Cuizon nga kinahanglang masabtan sa tawo ang gihimo ni Kristo nga pagtubos sa sala sa mga tawo diin gi-ako Niya ang sala sa kalibutan pinaagi sa kamatayon diha sa krus.

Tungod niini, gihatagan ug laing tsansa ang tawo nga magpakabuhi pag-usab sibo sa Iyang kabubut-on aron mahalikay kita sa sala.

Nanawagan si Msgr. Cuizon sa katawhan nunot niining paghandum sa Semana Santa nga maghimo ug maayo aron dili magpabiling maglunang sa sala.

RadyoMaN Bernard Pantallon

Facebook Comments

From Advertisers