Meyembro sa akyat bahay nga namaligya ug iligal nga droga sikop sa buy-bust

17

General Santos City–Malampusong nasikop sa mga personahe sa Police Station 8 ang usa ka Floremer Ventura Quincio, 23, nga nanimuyo sa Zone 2-A, Barangay Bula, ning syudad sa ilahang gipahigayon nga buy-bust operation alas 8:27 sa gabie sa Prk. 9, Barangay Katangawan.

Sumala pa ni Police Captain Robert Fores ang hepe sa Police Station 8, ang nasangpit nga suspect ang napalitan ug usa ka sachet sa shabu ug nakuha sa iyahang posisyon ang 500 pesos nga mark money ug usa ka replica sa Calibre 22 nga armas.


Dugang pa ni Fores nga kanhi nang napreso ang suspect niadtong milabay nga tuig human nga masikop kini sa kasong pagpamaligya ug iligal nga droga ug nakagawas lang human nga mi-avail sa plea bargaining agreement sa goberno.

Samtang sa gihimong interogasyon sa kapulisan sa nahisgutang suspect mi-angkon matud pa kini nga siya ang responsible sa serye sa pagpangawat nga gihimuan sa akyat bahay gang sa area sa Barangay Bula ug Barangay Katangawan niadtong mga milabay nga mga simana.

Gapangawat matud pa ang nahisgutang suspect aron nga adunay kini pang palit ug iligal nga droga aron nga gamiton ug ibaligya.

Kasong pag supak sa RA 9165, sec 5 sa Art II, kon pagpamaligya ug iligal nga droga ang atubangon sa nanampit nga suspect nga kasamtangan karon nga nagtingkagol sa selda sa Police Station 8.(Dave Silagan)

Facebook Comments