Kalibo, Aklan — Ginpaguwa eon it Department of Tourism (DOT) rong updated nga listahan it mga accredited nga accommodation establishment sa isla it Boracay.
Base sa pinakaulihing datos, kapin sa 296 eon ro mga establishimento nga compliant sa mandato o guidelines nga unang ginbaeay it Boracay Inter-Agency Task Force.
Katumbas raya it 10,067 nga kwarto nga pwedeng dayunan it mga turistang magabisita sa isla.
Una eon nga ginpahayag ni Tourism Secretary Bernadette Romulo Puyat nga mabahoe nga bagay rong ginahimong kooperasyon it mga establisyimento sa isla, pinaagi sa pag report kara angot sa pagiging pasaway it isigkapareho nandang establisyimento.
Suno pa kana, sa oras nga may una nga mga accredited establishment nga paumang-umang nga pasaway, indi sanda mag duha-duha nga bawion rong gintao nga accreditation.
