Mga armas nakuha gikan sa ‘lolo’

Davao City – Gi-endusar sa Sta. Ana PNP ang usa ka senior citizen human nakuhaan og armas ang usa ka Bambaran Bantog, 90 anyos, netibo nga taga Tamparan, Lanao del Sur.

Matud pa alas-5:45 sa hapon nasikop ug nakapkapan ni Pvt. Justine Ray Tayag kinsa sakop sa Task Force Davao didto sa sulod sa Office of the Special Assistant to the Philippine (OSAP) nahimutang sa Chavez St. siyudad sa Davao.

Sumala pa ni Tayag nga narekober gikan ni Bantog ang usa ka .45 kalibre sa pusil, usa ka magazine, 11 ka bala, duha ka kutsilyo ug usa ka gunting lakip ang usa ka sling bag ug pack bag nga maoy gisudlan sa dalang armas.


Sa gihimong imbestigasyon sa kapolisan ngadto sa suspek, pa miingon kini nga iya matud pa patyon si Pangulong Rodrigo Duterte.

Ang dinakpan balhog na Presinto Uno ug mag-atubang og tulo ka kaso sa pagsupak sa R.A 10591 kun Illegal Possession of Firearms and Ammunition, Illegal Possession of Deadly Weapon ug kalapasan sa Omnibus Election code kun Comelec Gun Ban.

RadyoMan Don Pulayao

Facebook Comments