Mga armas sa NPA nga gilubong, nakalot sa kasundaluhan

Mukabat sa 6 ka mga armas ug mga butang pang-gubat ang narekober sa kasundaluhan sa Brgy. Sinaysayan, Kitaotao, Bukidnon niadtong Sabado, May 21, 2022.

Sa interview sa RMN Malaybalay ngadto kang Lieutenant Colonel Jose C Regonay Jr., Commanding Officer sa 72Infantry Battalion (IB), gibutyag niini nga narekober nila ang mga gipanglubong nga armas sa New Peoples Army (NPA) sa tabang sa usa ka kanhi NPA nga nitahan ngadto kanila.

Nasayran nga apil sa nga narekober ang duha ka M16A1 rifles, duha ka M4 Carbines, usa ka M653 rifle, usa ka M14 rifle, ug upat ka mga M16 magazines.

Una niini, sigun ni Col. Regonay Jr nga gibulgar sa usa ka kanhi NPA nga si Mayunie Man-inday Sayad alias “King”, 31 anyos ug full-time member sa Guerilla Front 57, kinsa nitahan sa 72nd IB niadtong Biyernes.

Gidugang pa sa opisyal nga aduna pay mga gipangbulgar si alyas king apil na ang gipanglubong matud pa nga mga armas nga nahimutang sa lungsod sa Kibawe apan na-unhan matud pa sila sa mga NPA human nga wala na didto pag-responde nila aorn unta kaluton.

Facebook Comments