Willing man ang mga Badjao nga nagatiner sa Bacolod nga magpauli sa Jolo, Sulu kun sila ang hatagan sang inugplete.
Sa interview sang DYHB sa pila sa mga Badjao nga nagatiner sa Bredco Port, ginpahayag sang mga ini nga nagbiya sila sa Sulu bangud mabudlay ang pangabuhi sa lugar kag nanamian sila nga magtiner sa Bacolod bangud mabuot kag maalwan ang mga tawo sa diin sila ang ginahatagan sang kwarta kag pagka on.
Samtang ila man ginpahayag nga kun hatagan sila sang inugplete, handa gid sila nga magbalik sa ila lugar.
Sa nahibaluan nga natalana man ipaidalom sa swab test ang mga Badjao kasunod sang pagkamatay sang isa man nila ka upod nagligad nga adlaw nga nasapwan na lang sa puno sang kahoy. Ginahitso naman sang local government unit ang pagpauli sa mga ini sa Jolo, Sulu.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
