Sikop sa mga operatiba sa Regional Drug Enforcement Unit kon RDEU 10 ang duha ka mga bag-ong laya sa Lumbia City Jail human kini nagpayuhot sa ginadiling druga.
Matud ni Police Col. Mardy Hortillosa ang tigpamaba sa Police Regional Office 10 nga niadto pang September 23 nakagawas sa prisohan ang suspect nga si Manuel Dagooc, 37 anyos, nga tga Igpit Opol, Misamis Oriental, samtang niadtong Enero karong tuiga, nakagawas sa prisohan si Jinnifer Quilab, 35 anyos nga taga Julio Pacana St. Brgy. 35.
Mga alas 9 Â sa gabie dihang napalitan sa otoridad og usa ka sachet nga adunay sulod nga ginadiling druga ang ilang target nga si Manuel Dagooc, bugti ang 1,000 pesos nga buy bust money.
Apan gitudlo niini nga source sa druga ang iyang kauban nga si Jinnifer Quilab, kinsa nakuhaan sa usa ka dakong sachet sa ginadiling druga nga adunay timbang nga mukabat sa 50 gramo ug nagkantidad sa 350-mil pesos.
Tungod niini, gikonsidira kining High Value Target tungod sa kadaghanon sa druga nga ilang nakumpiska.
Apan hugot nga gipanghimakak sa mga suspect nga sila ang nanag iya sa maong druga.
Matud ni Jinnifer Quilab nga gibilin lang ang maong druga sa usa ka asset.
Pareho usab niining gipanghimamak nga gapayuhot sila sa druga apan ilang gi angkon nga sila gagamitan sa druga.
