Mga bawal sa Kaamulan 2019 gipahimangno sa PNP Bukidnon

32

Nagpahimangno ang Bukidnon Provincial Police Office kon BPPO sa publiko kalabot sa mga gidili atol sa nagpadayon nga Kaamulan Festival 2019.

Sa interview sa RMN ngadto kang Police Captain Jiselle Longakit ang tigpamaba sa PNP Provincial Command gibutyag niini nga sugod kaniadtong Marso 23 hangtod sa Abril 13 ning tuiga, ginadili ang pag-inom o pagdala sa ilimnong makahubog sulod sa Kaamulan Park kanhi Capitol Grounds.

Matud ni Captain Longakit karong Biyernes Abril 12 alas 5 sa hapon, ginadili na ang pagsulod ug pag-parking palibot sa Kaamulan Park sa tanang klase sa sakyanan.

Sa Sabado, April 13 nga mao ang highlights sa kalihukan, ginadili ang pagparking sa tanang klase sa sakyanan sa dalan corner Perino-Fortich St. paingon sa Corner Rizal – Fortich SDt., Rizal St. paingon sa Kaamulan Park ug Corner Kapitan juan Melendez-Gov. A. Alvarez St. to Fortich St. (Impalambong).

Gidugang pa ni Longakit nga karong Sabado usab, ginadili ang pagdala sa backpack ug sling bag sulod ug palibot sa Kaamulan Park kanhi Capitol grounds.

Matud ni Longakit nga lauman ang higpit nga seguridad nga ipatuman sa mao nga adlaw tungod sa pagbisita ni Pangulong Rodrigo Duterte.

Facebook Comments