Mga biktima sang travel and tours scam naga apelar sa operator nga bayaran na lang sila sang amat-amat

14

BACOLOD CITY – Mga biktima sang gina-alegar travel and tours scam naga-apelar sa operator nga kuntani bayaran na lang sila sang amat-amat.

Sa padayon nga imbestigasyon sang DYHB, may yara na sang kapin 80 ka mga nagpariser nga biktima sang LJAT Travel and Tours nga gina-operate ni Lecile Jane Aurelio Tenerife sang Brgy. Bata, Bacolod City.


Isa sa na-interview sang DYHB si Victorina Perraren nga may yara sang P193,000 nga sulukton kay Tenerife kag nagaayo ini nga amat-amatan na lang siya sang bayad.

Si Perraren, ang nagpa-book sang tour packages sa LJAT para sa Hong Kong, Thailand kag Singapore upod ang siyam pa niya ka mga abyan. Apang sang naka-schedule na ang ila trip abroad kag yadto na sila sa NAIA, diutayan nga wala sila nakalakat bangod nga wala ginbayaran ni Tenerife sa isa pa ka operator ang ila nga visa kag ticket.

Nadayon lamang ang ila nga lakat bangod nga gintabunan sang bata sang isa ka negosyante sa Bacolod ang kapin sa P1 million nila nga balayran. Isa lamang si Perraren sa pito na ka mga biktima nga nagreklamo sa NBI Bacolod batok kay Tenerife.

[image: image.png]




Facebook Comments