Mga botante nagreklamo sa grabeng kataas sa linya tungod kay duha lamang ka mga polling precinct.

Atol sa piniliay kagahapong adlawa daghan kaayo ang nagsayo ug adto sa mga nagkadaiya nga mga polling precinct aron nga maka botar ug sayo ug dali mahuman.

Apan bisan paman daghan kaayo ang misayo ug adto wala gilayon kini sila naka botar tungod kay adunay pipila nga nawala sa listahnan ug kinahanglan pa nga I verify aron makita ang record kun wala ba kini napapas sa listahan sa comelec.

Dinhi sa sentrong bahin sa Dipolog gikan sa nagkadaiyang polling precinct wala pa’y 6AM anaa na’y daghang milinya, tungod kay gikatakda man nga nga magsugod sa 6AM hangtod kini 6PM.


Hinuon anaa may pipila ka precinct ang nagsugod na sa pagbotar pag patak gayud sa 6AM sa buntag, una nga gipa botar ang mga poll watcher.

Pero sa laing bahin daghan usab ang nagreklamo tungod kay milapas nalang sa 6AM wala pa dayon nakasugod tungod kay dugay naka preparar o diba kaha mipalyar ang mga VCM.

Daghan usab nagreklamo nga mga botante, tungod kay tag duha nalang ka precinct karon nga piniliay dili pareha sauna nga moabot sa upat ka precinct.

Halos dili makairog ug guot kaayo ang linya sa mga botante, dagahan usab ang mireklamo kay daghan kaayo ang mo insert sa linya bisan pa ug bag-o pa kini naabot, gawas ni ana, daghan sab nga mga mapahimuslanon sama gusto sila nga mo una kay matod pa adunay mga trabaho nga giapas o dib a kaha adunay importante nga lakaw pero d.i dili tinuod.

Daghan sab nga mga nagreklamo sa mga adunay dala nga bata, mga senior citizen o PWDs tungod kay dili pareha ang pagpasulod sa precinct, gani matod sa mga botante dapat patas ang pagpasulod kinahanglan kun magpasulod sa mga tiguwang ug mga PWds o buros, kinahanglan sa mga walay bikil pasudlon sab dili kay humnon una ang mga anaa sa priority lane.

Panawagan karon sa mga botante manghinaot sila nga sa sunod eleksyon dili na kini mahitabo, ug wala nay mapalyar nga mga VCM atol sa eleksyon.

Facebook Comments