Mga Comelec Offices sa South Cotabato handa na sa pagresume sang voters registration subong nga adlaw.

Handa na ang mga comelec offices sa probinsya sang South Cotabato sa pagresume umpisa subong nga adlaw sang voters registration bilang preparasyon sa 2022 nga eleksyon.
Suno kay Atty. Jay Gerada, Provincial Election Supervisor sang South Cotabato bukas ang mga comelec offices sa probinsya Lunes tubtob Sabado nga adlaw lakip na holiday, alas 8:00 tubtob alas 5:00 sang hapon.
Ginpahayag ni Atty. Gerada nga magluwas sa magparehistro akumudaron man ang mga luyag magpatransfer, change status kag iban pa.
Ginalauman niya nga mataas ang turn-out sang voters registration dire sa probinsya tungod malawig ini sa subong nga magadugay sa Setyembre 30, 2021.
May-angot sini, ginaawhag ni Atty. Gerada ang mga botante nga magparehistro sang timprano.

Facebook Comments