MGA DIRECT CONTACT SA 61 ANYOS NGA GWARDIYANG TAGA GENSAN NGA POSITBO SA COVID NAKA-QUARANTINE NA

General Santos City–Nakapahigayon na ug direct contact tracing ang LGU Gensan sa mga nahimamat sa usa ka 61 anyos nga lalaking security guard nga unang nagpositbo sa covid19.
Sumala ni Dra. Jett Oco, labaw sa City Health Office Gensan nga sa gi-trabahuan sa nahisgutan, adunay tulo ang na-trace kung asa kasamtangan ng naka-quarantine.
Samtang aduna matud pay tulo nga taga-Gensan ang na-trace nga nakasakay niini sa Van. padayon man usab ang ginahimo nga contact tracing sa level 2 ug level 3 nga contact sa nahisgutan kaabag ang Polomolok Municipal Health Office.
Dugang pamahayag ni Dra Oco nga subay sa gihimong contact tracing walay kaugalingong balay sa Gensan ang nahisgutang sekyu ug nagpuyo lang kini sa bunk house sa iyahang gitrabahuan.
Nasayran matud pa nga sa Polomolok kini nagpa-ilalom sa 14 kaadlaw nga quarantine ang nahisgutan apan sa Gensan na matud pa kini gi-admit tungod gipasa-pasa na kini.
Ug tungod mas risgo kung dili hatagan ug pagtagad ang nasangpit nga sekyu, ilaha nalang kining gidawat ug kasamtangang anaa sa Dr. Jorge P. Royeca Hospital.

Facebook Comments