Mga empleyado sa pribadong kompanya nga naapektuhan sa covid 19, makadawat ug 5 k nga cash assistance sa DOLE

General Santos City–Gikabutyag sa labaw sa Department Of Labor And Employment kon DOLE -Gensan nga si Fatima Bataga nga dunay madawat kadtong mga empleyado nga naapektuhan sa covid 19 nga one time cash assistance pinaagi sa department order sa DOLE.

Sumala pa ni Bataga nga kung ang trabahante sa usa ka kompanya dunay rotation sa ilang trabaho,dunay pagbawas sa adlaw sa trabaho ingon man ang pagbawas sa oras ang pwedeng maka- avail sa maong cash assistance nga 5mil pesos.

Saysay pa sa nasampit nga ipadala lang ang address sa employer ngadto sa opisina sa DOLE pinaagi sa email i-fill-up sa employer ang form alang sa ilang mga trabahante.


Dugang pamahayag ni Bataga nga ang cash assistance nga 5mil pesos para lamang kini sa mga empleyado ug walay apil niini ang top management ingon man ang tag-iya sa kompanya.

Gipaklaro usab sa opisyal nga kadtong mga trabahante nga nawad-an ug trabaho nga na-atlan sa krisis sa corona virus ang pwede maka -avail apan naga-depende matud pa kini sa ilang aplikasyon.

Pamahayag ni Bataga nga kung ila ng na-evaluate ang mga application form ug na-aprobahan na magpa-abot na lamang sila ug notice sa DOLE kung napadala na ang kwarta sa usa ka pera padala.

Pamahayag ni Bataga nga kutob sa na-apektuhan nga mga pribadong kompanya sa covid 19 ang pwedeng mag-apply sa one time cash assistance apan unahon sa nila kadtong mga gagmay nga kompanya nga dunay mga empleyado nga nawad-an ug trabaho.

Nanghinaot na lamang ang opisyal sa mga employers nga mo-aply sa maong cash assistance nga unta mahimong matinud-anon sila sa pagdeklara sa ihap sa ilang mga trabahante.

Kini gumikan kay dili lamang kini para sa mga regular employee kon dili apil na niini ang mga provisionary, casual, contractual ingon man hatagan usab nila ug prayoridad kadtong anaa lamang sa minimum nga sweldo.(Reynald Timario)

Facebook Comments