Mga empleyado sang Riverside Medical Center nangayo bulig sa gobernador bangud sang diskriminasyon

12

Ang mga empleyado sang Riverside Medical Center Inc. paagi sa ila nga corporate communications nga si Chuck Estrella ang nagpadala sang sulat kay Governor Eugenio Jose “Bong” Lacson agud pangayuon ang intervention angut sa diskriminasyon nga naangkon sa mga tawo.

Suno sa ila, sa tion magsulod sila sa mga coffe shop kag kun diin man nga balaligyaan kag naka hospital uniform sila ang ginalikawan kag wala gina sapak. May ti-on man nga bisan ang mga drayber sang jeep, taxi, tricycle kag traysikad wala naga pasakay sa ila bangud nahadlok sa balatian nga corona virus.


Dugang pa ni Estrella nga ang mga naga renta ukon naga board sa mga boarding houses nga mga empleyado sang Riverside Hospital ang gina tabog na sang ila landlady sa kahadlok nga malatnan sang corona virus.

Para sa ila, masakit pinsaron apisar sang ila ginahimo nga halos kabuhi na nila ang nakataya sa pag atipan sang mga pasyente para nga maluwas apang nag-angkon pa ini sila sang diskriminasyon.

Nahibalu-an nga ang una nga COVID-19 positive sa syudad sang Bacolod ang naka-admit sa Riverside Medical Center kag ini ang naga rekober kag yara na sa istable nga kondisyon base sa record sang task force covid-19.

Nagpanawagan man si Negros Occidental Provincial Administrator Atty Rayfrando Diaz nga indi dapat pag tratuhon sang mala-in ang mga medical personnel kag ini sila dapat pa gani dayawon kag pasalamatan bangud sa ila trabaho nga makabig baganihan bilang frontliners sa pag away kuntra corona virus.

[image: image.png]

Facebook Comments