Mga empleyadong nagtrabaho sa Gensan nga natanggong sa Alabel tungod sa lockdown, tabangan

14

Alabel, Sarangani Province—Mohatag ug hinabang ang lokal nga panggamhanan sa munisipyo sa Alabel, Sarangani Province sa pagpanguna ni Alabel Municipal Mayor Vic Paul Salarda, ngadto sa mga trabahante nga nagtrabaho sa Gensan kung asa naapektuhan sa gipatumang lockdown sa syudad tungod sa pagtaas sa ihap sa nagpositibo sa covid 19.

Sumala pa sa Mayor nga himoon lamang sa mga trabahante ang paghatag sa ilang mga dokumento nga magpamatuod nga sila empleyado sa usa ka kompanya nga nakabase sa Gensan aron ilang ma-validate. Mamahimo lang nga mahidangat sa opisina sa MDRRMO-Alabel aron mahatagan ug tag usa ka sakong bugas alang sa ilang pamilya.


Gi-awhag usab ni Mayor Salarda ang mga taga Alabel nga kanunay mututok sa FB page sa Alabel Information Office aron ilang mapaabot ang ilang mga mulo ug paningkamutan sa mga opisyal sa maong munisipyo nga mapangitaan ug pamaagi nga matubag ang mga problema nga gipaabot ngadto kanila sa katawhan sa Alabel. (RV)

Facebook Comments