Mga fire station sa South Cotabato problema pa ang kakulangan sang rescue vehicles.

Yara pa lang sa singkwenta porsyento sang mga fire station sa South Cotabato ang may-yara sang rescue vehicles tungod indi lang insidente sang sunog ang ginarespondiran sang Bureau of Fire kundi pati ang insidente nga nagaluntad sa mga dalanon.
May-angot sini, target nila suno kay Provincial Fire Marshall Milo Manlabao sang Bureau of Fire South Cotabato nga tanan nga fire station ang mahatagan sang response vehicles.
Ginpahayag niya man nga padayon man nga ginapaidalom sa emergency medical service training ang personnel sang talatapan.
Apang aminado siya nga may kakulangan pa ang personnel sang kada fire station dire sa probinsya tungod magluwas nga nagarespondir sila sa insidente sang sunog nagarespondir man sila sa tion nga may magkinahanglan sang emergency medical services.

Facebook Comments