Ang Regional Special Operation Group (RSOG) sa Police Regional Office 9 ilawom sa pagdumala ni Regional Director PCSUPT. Billy B. Beltran, uban sa Zamboanga city Police Station 6 (Tetuan), ug Explosives Ordinance Division sa Zamboanga City nagpahigayon ug operasyon batok sa tigbaligya ug ammonium nitrates didto sa brgy. Arena Blaco, sa hanisgutan nga dakbayan.
Miresulta kini sa pagka sikop ni Pagal Nasang Aliapan, 35, residente sa Malawi Island, Isabela City, probinsya sa Basilan. Nakuha sa iyang panimalay ang 75 ka blasting cap, 17 ka detonating cord, 3 ka plastic bag tag usa ka kilo, 10 ka plastic bag nga tag tunga sa kilo ug 15 ka sako nga tag 25kls, ang tanan pulos ammonium nitrates, usa ka electrical cutter ug (₱500.00) nga mark money.
Sa kasamtangan si Pagal Aliapan anaa na nagtingkagol sa lock up cell sa Zamboanga city alang sa tukmang disposasyon.
