Mga ginakabig nga sympathizers sang rebelde nga New Peoples Army sa banwa sang Cuartero, nagsumpa sang ila suporta sa gobyerno!

103

Cuartero, Capiz – Kapin sa 60 ka mga ginakabig nga sympathizers sang rebelde nga New Peoples Army(NPA) sa banwa sang Cuartero ang nagsumpa sang ila suporta sa gobyerno.
Ang mga ini ang ginalakipan sang 37 ka mga katapo sang Militia ng Bayan kag 23 ka mga ginakabig mass base supporters sa diin pormal ang mga ini nga nagsurrender sang nakaligad nga Pebrero 15 kag 16, 2019.
Suno kay 61st IB spokesperson 1Lt. Hazel Joy Durotan, ang mga surrenderee ang lunsay mga residente sang Barangay Carataya, San Antonio kag Mahunod-Hunod Cuartero, Capiz nga ginakonsiderar nga insurgency-influenced areas.
Ang nasambitan nga seremonya ang ginpangunahan sang Community Support Program (CSP) Team sang 61st Infantry Battalion.
Yara man ang presensya ni 301st Infantry Brigade deputy commander Col. Orlando Edralin kag opisyales sang PNP.


photo – CTTO

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments