Mga health facilities sa South Cotabato nakahanda na tungod sa amat-amat nga pagsaka sang kaso sang COVID-19.

33
Nakahanda na ang mga quarantine, isolation facilities kag subong man mga ospital sa South Cotabato tungod sa amat-amat nga pagsaka sa subong sang kaso sang coronavirus disease ukon COVID-19 sa probinsya. Ini matapos suno kay Provincial Health Officer Dr. Rogelio Aturdido Jr. nga nakapaggwa na siya sang advisory sa mga partners LGU`s kag mga ospital.
Suno kay Dr. Aturdido ginaekspektar na nila ang pagsaka sang kaso sang COVID-19 sa probinsya subong nga bulan tungod libre ang hulag sang katawhan sang holiday season.
Ginkumpirmar man ni Dr. Aturdido nga padayon nga nagaoperate ang COVID laboratory sa DAPMC apang may kakulangan sa cartridges amo nga ang ginaakumudar ang pasyenti nga naadmitir sa ospital kag ang iban nga swab sample ang ginapadala sa Cotabato Regional Medical Center.
May-angot sini, ginaapela ni Aturdido sa katawhan nga maghalong, ipatuman ang minimum health standards kag magpabakuna.
Base sa datos sang Enero 17 may 219 ka aktibo nga kaso sang COVID-19 ang South Cotabato.
Facebook Comments