Naugdaw ang 4 ka mga heavy equipments nga gilangkuban sa 1 ka dumptruck ug 3 ka backhoe didto sa quarry site sa P-7, brgy. Bonbon ning syudad sa Butuan, human gidabdaban sa mokabat 40 ka mga armadong gitoohang sakop sa rebelding New Peoples’s Army (NPA). Ang quarry site gipanag-iyahan sa negosyanting si Ali Martinez ug ang permitee niini mao si Atty. Gil Cembrano, kung diin gibana-banang anaa dili moubos sa 6 milyon pesos ang danyus. Giguba usab sa mga armado ang ubang mga heavy equipment pinaagi sa pagbutang ug asi sa mga makina niini. Gipahayag ni Flor Blanco, ang purok president sa lugar nga bandang alas 10:30 kagabie nakita niya ang daghang mga armadong lalaki nga milabay sa lugar ug gibaliwala lamang kini tungod sa pagtoo nga mga sakop sa military.  Apan bandang alas 12 kapin kon kulang sa tungang gabie, niulbo na ang kalayo ug gisunog ang mga heavy equipment. Gibutyag usab ni Meme Salado, ang caretaker sa quarry site nga gipukaw sila sa mga armado ug gipakanaug sa heavy equipment ug didto gidabdaban gamit ang gasoline. Namulong ang mga NPA nga gisunog nila ang mga heavy equipment tungod kay dugay na nga wala mohatag ang tag-iya niini ngadto sa NPA. Sent from my Samsung Galaxy smartphone.
