Mga IDPs sa Marawi City, magpahigayon sa ilang bersyon sa SONA, karong buntag

30

Mopahigayon usab sa ilang version sa state of the nation address ang mga internally displaced persons o mga bakwit sa Marawi City karong buntag.

Tawgon og State of Marawi Bakwit o SOMBAK ang ilang himoon, sugod alas-9:00 karong buntag sulod sa usa ka building sa Mindanao State University – Main Campus.


Matud pa ni Drieza Lininding, convenor sa Moro Consensus Group, wala silay pangayoon nga demand gikan sa gobyerno sa ilang himoon karong aldawa, apan mohatag sila og grado o paghusga sa dagan sa rehabilitasyon, halos duha na ka tuig ang nakalabay human ang giyera.

Maghatag usa sila, matud pa, sa ilang assessment, kung unsa sa mga saad ang wala matuman ug kung unsa niini ang nahatag sa gobyerno.

Dunay ipahigayon nga art gallery, theatrical play, live band, short films, poetry reading ug mga mensahe gikan sa mga sectoral representatives nga magpakita sa tinood nga sitwasyon sa mga residente sa Marawi City ug kung gi-unsa nila paglingkawas sa mga pagsulay sa kinabuhi. (Divina M. Suson)

Facebook Comments

From Advertisers