Mga ilimnan sa smallville dapat tubtob lang 2am ang ila operasyon

52

ILOILO CITY – Ginatun-an na ni mayor Jose Espinosa III ang posibilidad sang paglimit sang operasyon sang mga ilimnan sa smallville complex sa Mandurriao tubtob lamang sa alas 2:00 sang kagahon.

Suno kay Espinosa makonsulta sya kay City Administrator Atty. Hernando Galvez kag City Legal Officer Atty. Lorna Laurea agud mahibaluan kun bala mahimo sya magapagwa sang executive order.

Ini ang plano ni Espinosa kasunod sang pagluthang patay kay Rey Myr Tan, 24 lawaan village in Jaro sadtong kaagahon sang Disyembre 3 sa smallville complex kag ang ginatudlo nga suspek amo si Vanlen Jyru Joseph Hulleza sang barangay Sambag, Jaro.

Pahayag ni Espinosa nga ini nga sistema kaangay sang curfew apang ginapasighuro diri nga ipasirado gid ang ga establishments.

Gindugang pa ni Espinosa nga nagakaproblema lamang sa last order bangud indi mapahalin ang customer samtang may nabilin pa nga ilimnon.

Dapat suno sa alkalde nga siguraduhon nga pag-abot sang alas dos sarado na ang establishments kag kun may bilin pa nga ilimnon ipadala sa customer.

Dugang ni Espinosa nga kun madala sang EO gilayun niya ini nga pirmahan

Facebook Comments