Roxas City, Capiz- Ginapreparahan na subong sang pamunoan sang 47 tanan ka mga kabarangayan ang pagpasakop sa Search for Unified Response and Effective Strategies for COVID-19 barangay category.
Tinutuyo sini nga kialalahon sang city government ang mga maayu nga hinimoan kag practices sang mga barangay sa ila pagpakigbato sa COVID-19 pandemic.
Ang mapilian ang magabaton sang cash incentives.
Suno kay Kapitan Nestor Buenviaje sang Barangay Punta Tabuc, amat-amat na sila sa subong nga nagapreparar paagi sa pagkolekta sang mga dokumento agud nga ipresentar sa validating team.
Suno naman kay Punong Barangay Herminia Delio sang Barangay Tanque, apisar nga wala na sila sang aktibo nga kaso, padayon sa gihapon ang kampanya kontra COVID-19 sang mga katapo sang barangay agud nga mapahilayo nga malatnan sang virus ang mga residente sini.
Sa masunod nga semana, gina-ekspektar nga maga-umpisa na ang pagpatigayon sang pre-assessment kag onsite validation sang composite team nga pamunoan sang DILG.
