Mga kandidadto gipahimangnuan atol peace covenant signing

Pagadian City – GIPAHIGAYON ang peace covenant signing ug Candidates forum karong buntag alang sa mga kandidato nga magpapili sa umaabot nga eleksiyon sa dakbayan sa Pagadian.
Nasayran nga ang tumong ug tuyo niini mao nga masigurado nga mamahimong malinawon ug han-ay ang pinili-ay sa Barangay ug Sangguniang Kabataan (SK) eleksiyon.
Atol sa aktibidad gipabot ni Atty. Jed Labador, City Comelec officer, ang mga kandidato aron nga dili magbikil niining panahon sa kampanya.
Lakip nga gipasabot ang pagabuhaton panahon sa campaign period sama na lamang sa mga pagpatapot sa posters sa saktong lugar o sa common poster area.
Gidugang pa usab nga panglangkaton ang mga poster o mga election paraphernalia nga nakabitay diha sa mga punoan sa kahoy ug uban pang dapit diin dili sa area nga gitugot lamang sa tinugyanan sa Commission on Election (Comelec).
Padayon usab nga nagpahimangno ang tinugyanan sa Comelec nga likayan ang overspending o paghinubra sa mga paggasto alang sa eleksiyon labi na ang vote buying o pagpamalit sa mga boto.
Nihatag usab og pahimangno ang hepe sa kapulisan ning syudad nga si Psupt. Benito Recopuerto nga likayan ang pagtanom og pagdumot kay mga silingan nga kaatbang politika.
Sumala ni Recopuerto kun dunay mga Makita nga mga tawo nga musulod sa barangay nga dili residente sa lugar kinanglan abugon aron dili makasabwag og kagubot.
‘Ampingi ang imong karibal sa politika’ kabahin sa mensahe sa hepe.
Lakip nga nihatag og pahimangno ang kasundaluhan pinaagi ni Ltc. Marlowe Patria nga himoong Honest, Orderly and Peaceful Election.

Facebook Comments