Mga kandidato nakadawat na og notice sa Oplan Baklas

Davao City – Nakipag-alayon na ang Commission on Election (COMELEC) sa PNP ingon man sa Department of Public Works and Highways (DPWH) sa ipahigayon nga Oplan Baklas alang sa mga illegal campaign materials sa mga kandidato.

Sa pakighinabi sa DXDC RMN Davao kang Atty. Krisna Samantha Caballero, spokesperson sa COMELEC-XI, gibutyag niini nga gipanghatagan na og notice ang mga kandidato nga nagbaton og illegal campaign materials diin aduna na usay schedule sa pagpahigayon sa Oplan Baklas.

“We are now having a close coordination with the PNP, DPWH or kung pwede ang ating DENR sa operation sa Oplan Baklas.” segun niini.


Gipasabot ni Caballero nga nagdepende usab sa jurisdiction ang paghatag og notice ngadto sa mga senatorial candidates.

Apan gipaniguro sa opisyal nga aksyunan gilayon sa buhatan ang mga illegal campaign materials labi na sa pagsugod sa campaign period sa mga local candidates karong Marso 29, 2019.

RadyoMaN Kirby Manzon

Facebook Comments