MGA KAPULISAN SA WESTERN VISAYAS, NAKAALERTO NA SUBONG NGA SEMANA SANTA

30

Naka-alerto na karon ang kapulisan sa bug-os nga Western Visayas subong nga Semana Santa.
Ginpahayag ni PRO-6 Director Police Brigadier General John Bulalacao, may mga pulis nga ginpang- deploy sa mga transport terminals, airport kag seaports agud magpatuman sang seguridad sa mga pumuluyo nga magabiyahe pauli sa ila mga probinsya.

Dugang pa ni Bulalacao nga buwas nga adlaw sang Miyerkules, pagadugangan ang numero sang mga pulis nga igadeploy sa nasambit nga mga lugar agud mapat-od ang seguridad sang publiko.


Magluwas sa mga matawo nga mga lugar, magapahamtaang man ang PRO-6 sang pulis sa mga lugar nga posible atakehon sang mga malain nga tawo kasubong sang mga dalagku nga subdivision nga target sang mga kawatan.

Handum sang PRO6 nga mangin malinong kag matawhay ang pagsaulog sang semana santa sa Western Visayas subong nga tuig.

Facebook Comments

From Advertisers