Mga kawatan ug ‘akyat bahay gang’ gipasidan-an ni Lao

66
Davao City – Gi-intensify sa Sta. Ana Police Station ang Oplan: R.A.T. Tugis batok sa mga kriminal nga nalambigit sa Robbery/ Hold-up, Akyat Bahay ug Theft incidents sa dakbayan sa Davao.

Sa interbyu sa DXDC RMN Davao kang Police Liutenant Colonel Ronald Lao, station commander sa PS1 Sta. Ana Police Station, gipahugtan pa ang pagbantay sa kapulisan sa ilang area of responsibility.

Nagpasidaan kini sa mga nalambigit sa kawat nga dili kini magpanukong arestuhon kinsa mga nihatag og perwisyo sa kalinaw sa katawhan

“Relentless ang atong operation against Robbery, Theft ug sa drugs. Warning sa mga ga-akyat bahay naghatag gyod mo’g perwisyo sa mga tawo, kabalo mi nga gadala pod ni sila’g mga kutsilyo, nakita nato sa mga videos, naa sad baril usahay, kabalo gyod ming musukol gyod ni sila. Hinaot nga maabtan namo nila sila para madakpan nato, ma-neutralize nato, mao ni atong warning sa ilaha: mag-abot gihapon ta puhon,” gibatbat ni Lao.

Matud ni Lao, nakig-alayon na kini sa mga kapitan dungan sa pag-awhag nga tabangan ang kapulisan pinaagi sa ilang mga tanods nga mudugang sa police visibility aron mapugngan ang pag-ataki sa mga kriminal.

RadyoMaN Aimee Guinita

Facebook Comments