MGA MAG-POSITIBO SA COVID 19 SA ILIGAN POSIBLENG SA KALSADA NALANG MAGHIGDA KUN MAHUTDAN NA UG ISOLATION FACILITY ANG SYUDAD SUMALA NI EOC MANAGER LIM

34

Maghigda gayud sa kalsada ang si bisan kinsa mang indibidwal nga mag-positibo sa COVID 19 dinhi sa Iligan kun ugaling mapuno na ang tanang isolation facility.
 

Kini maoy gibutyag ni IATF EOC Manager Dr. Bunz Lim isip iyang nakita nga scenario ug realidad nga mahitabo kun wala na gayu’y kapasilongan alang sa mga adunay kaso sa COVID 19.  

Hinungdan nga sumala ni Lim aron dili maabot sa maong kahimtang nga maghigda nalang sa kadalanan, kinahanglang motuman gayud ang katawhan sa tanang mga health protocols aron batokan ang virus nga dala sa COVID 19.  

Matud ni Lim, kinahanglang magbaton gayud ug disiplina sa kaugalingon ang katawhan ug sundon ang tanang precautionary measures ilabi na sa ilang pag-gawas sa panimalay ug pag-uli nga walay mitapot kanila nga virus.
(photo ctto)

Facebook Comments