Muabot sa 52 ka mga mag-uuma ang nakadawat og ayuda pinansiyal gikan sa Philippine Crop Insurance Corporation (PCIC)-Northern Mindanao.
Mukabat sa kinatibuk-ang P345, 398.00 ang cheke nga nadawat sa mga mag-uuma alang sa pagbawi sa mga pananom nga nadaut gumikan sa mga katalagman.
Ang Philippine Crop Insurance Corporation o PCIC nagpadayon sa paghatag ug tabang sa mga mag-uuma ug mangingisda pinaagi sa ilang insurance program.
Ang mga indemnidad gi-claim sa mga benepisyaryo nga una nang nakadawat og Certificates of Insurance Coverage (CIC) nga nag-garantiya nga ang ilang mga pananom naseguro batok sa mga kalamidad ug peste.
Dugang pa niini, ang mga mag-uumang benepisyaryo nipadayag sa ilang pasalamat sa tabang nga ilang nadawat. Naglaum sila nga ang gobyerno magpadayon sa pagsuporta sa mga mag-uuma aron maminusan ang epekto sa pagbag-o sa klima sa lungsod.
Facebook Comments
