Mga makina paghimo og pekeng sigarilyo, gipangguba sa BIR

PC: RadyoMaN Joanna Ricote

Gigamitan sa backhoe with jack hammer ug shedder sa taga Bureau of Internal Revenue kon BIR ang pag guba sa mga makina paghimo og sigarilyo nga nakumpiska atol sa gihimong on the spot surveillance sa 3 ka mga warehouse nga nahimutang sa Malasag Road National Highway, Zone 9 Brgy. Cugman; Villanueva-Claveria Road, Poblacion Villanueva Misamis Oriental ug Warehouse # 4 sa Alwana Business Park, Cagayan de Oro.

 

Nasayran nga mikabat sa 3 ka mga Isuzu Van nga adunay mga illegal item nga gilangkoban sa 6 ka unit sa cigarette packaging machine, 4 ka unit sa cigarette making machine, 1 ka unit sa cigarette filter machine, 1 ka box sa pekeng BIR stamp, 2 ka box sa packaging material, 6 ka folder sa cigarette machine manual, 12 ka Philip Morris Packaging Tape ug uban pang supply ug ingredient sa paghimo og sigarilyo ang nakumpiska.

 

Matud ni Mr. Arnel Guballa, ang deputy commissioner sa BIR nga kapin 1 billion ka pesos ang kantidad sa ilang nakumpiska.


 

Gihimo ang pag guba sa mga makina sa DIGAMA waste Management Facility nga nahimutang sa Zone 6, Barangay Bayabas.

 

Samtang gikan sa BIR Strike Team sa pag panguna sa ilang head nga si Remedius Advincula, gi turn over ang mga scrap ngadto sa Regional Disposal Committee sa pagpanguna ni Asst. Regional Director Emir Abutazil.

Facebook Comments