Mga manok gibalbal sa ungo?

Nimando na karon ang hepe sa kapolisan sa lalawigan sa Sugbu ngadto sa San Fernando Police Station nga susihon ang usa ka hitabo diin di momenos 15 ka mga manok ug 35 ka buntog ang dungan nga nangamatay , ug gidudahan nga gibalbal sa ungo.

Ang maong mga hayop adunay samad sa ilang tiyan ug wa nay mga internal organs nga maoy gikahibong ug gikabalaka ug maayo sa mga molopyo sa Barangay North Poblacion sa San Fernando .

Sa niaging semana, sa silingang syudad sa Naga, mga kanding usab ang napalgan nga nangamatay ug dunay dagkung samad sa ilang tiyan .


Tungod niini aron mokalma ang mga residente gikan sa ilang kabalaka ,nimando si CPPO Director , Sr. Supt. Manuel Abrugena sa kapolisan nga susihon ang maong hitabo .

Facebook Comments