Mga manok gikan sa kaulohan nasakmit pag-abot sa Sugbu

40

Taliwa sa gikahadlokan nga avian flu didto sa Luzon , nakasakmit ang Department of Veterinary Medicine and Fisheries (DVMF) sa dakbayan sa Sugbu ug 90 ka mga karneng manok gikan sa kaulohan .

Ang hepe sa DVMFsa Cebu City nga si Dr. Alice Utlang nibutyag nga nakompiskar nila ang mga karne sa manok sa dihang ang tag-iya gusto nga magpa-reinspection sa ilang buhatan .

Matud ni Utlang ang pagsakmit sa mga karneng manok pinasubay sa kamanduan sa Bureau of Animal Industry nga nag-ban sa tanang poultry products gikan sa kaulohan paingon sa
Kabisay-an ug Mindanao .

Subay niini giawhag ni Utlang ang mga Sugbuanon nga padayong mokaon ug manok tungod kay ang suplay dinhi sa Sugbu gikan ra sa lokal nga poultry farm.

Tambag lang sa DVMF ngadto sa publiko nga lutoon ug maayo ang karneng manok ug itlog sa ilang pag-andam niini.

Facebook Comments