Mga meat inspectors sang NMIS 12 nakahightened batok bird flu virus.

Nakahigtened alert sa subong ang mga meat inspectors sang National Meat Inspection Service ukon NMIS 12 base naman sa ginpapanaug nga kamanduan sang executive director sang ahensya tungod sa pag-igo sang bird flu virus sa mga manok sa Pampanga.
Samtang ginpaklaro ni NMIS 12 Regional Director Neonetth Agreda nga ang tikang nila ang precautionary measures lamang agud nga indi maglapta ang nasambit nga balatian dire sa rehiyon.
May-angot sini suno kay Director Agreda may team sila nga nagalibot sa subong kag nakatutok sila sa mga meat establishment dire sa rehiyon nga nagaihaw sang manok agud nga masiguro nga wala sang makasulod nga manok nga may balatian.
May advice naman suno pa ang ahensya sa mga meat establishment dire sa rehiyon nga indi magbaton sang manok nga wala sang Veterinary Health Certificate nga gin-isyu sang mga concern nga ahensya sang gobyerno agud nga malikawan ang pagsulod sang bird flu virus sa Socsargen.
Ginaadvisan man nila suno kay NMIS 12 Regional Director Agreda ang mga meat establishment sa rehiyon nga magdouble time sa paglimpyo sa mga poultry dressing plant sini.
Base sa ila datos suno kay Agreda may apat ka mga poultry dressing plant dire sa Socsargen nga makit-an naman sa General Santos City ang duha kag ang duha ang yara naman sa Polomolok, South Cotabato.
Hugot man nga ginamonitor sang task force ang baligyaanay sang karne sang mga manok sa mga merkado dire sa rehiyon.
Sa subong masiling nga safe pa ang mga manok dire sa rehiyon tungod ginahimo naman suno pa sang mga concern nga ahensya sang gobyerno ang tanan agud nga indi na maglapta ang bird flu virus.

Facebook Comments