Mga midaug sa Barangay ug SK election sa Gensan paspas nga nadeklara

General Santos City — Paspas nga nadeklara ang mga mananaug sa uwaheng Barangay ug Sangguniang Kabataan Election sa dakbayan sa Gensan.

Pinakaunang Barangay nga nakadeklara ug mga mananaug mao ang Barangay South nga nahimutang sa sentrong bahin sa yudad, gabii pa lamang sa Mayo 14. Dinhi midaug ang negosyateng si Rock Garay ug napilde niini si incumbent Barangay Kapitan Alvin Veneracion.

Sunod nga nakadeklara ug mga winners ang Barangay Ligaya kung asa daug gihapon si incumbent Barangay Captain Rommy Pagaduan. Sunod ang Barangay East kung asa daug gihapon si incumbent Barangay Kapitan Jose Dinopol.


Sa 26 ka mga Barangay sa Gensan, ang Barangay Fatima nga usa sa pinakadako ug populasyon nga Barangay ang maoy pinaka-ulahi nga nakadeklara ug mga mananaug sa eleksyon kung asa hapon na sa Mayo 15 nasuta ang mga mananaug. Nagpasalamat usab ang Commission on Election Gensan tungod sa usa ka malinawon ug malampuson nga eleksyon..

Facebook Comments