Mga naapektuhan sa pagbaha sa dakbayan miapela sa LGU og hinabang samtang Lokal-IATF miapela sa mga barangay opisyal nga pahugtan ang pagpatuman sa health protocol

46

GENERAL SANTOS CITY- Nanawagan ang pipila ka residente nga naapektuhan sa pagbaha kagabie dinhi sa dakbayan, sa lokal nga panggamhanan nga unta adunay ihatag kanila nga hinabang.

Sumala pa sa mga apektado nga pamilya nga wala silay makaon ug mga masuot nga senina.


Nasayran nga daghan nga mga balay ang nadaot nakalabay nga gabie lakip ang ilang mga binuhi nga hayop ug mga gagmay nga negosyo gibanlas sa tubig baha.

Tungod niini nanawagan ang apektado nga pamilya nga hatagan sila og hinabang.

Naglaom sila nga dunggon ang ilang panawagan sa lokal nga panggahanan ning syudad alang sa ilang pagbangon nga epekto sa kalamindad.

Samtang sa pikas bahin, miapela ang lokal-IATF ning dakbayan sa GenSan sa mga barangay opisyal nga pahugtan ang pagpatumann sa health protocol batok COVID-19 sa mga pamilya nga gipahilking nakalabay nga gabie tungod sa pagbaha.



Sa pamahayag ni Dr. Karl Florida, spokesperson sa lokal-IATF nga angay masunod ang social distancing, lakip ang pagsul-ob sa face mask ug face shield aron mabatukan ang maong makamatay nga sakit.


Gihingusgan niini nga angay pahugtan ang pagmonitor sa mga barangay opisyal labi pa nga paspas ang pagsaka sa kaso sa COVID-19 dinhi sa dakbayan.

Una nga gikabutyag sa nasampit nga opisyal nga anaa na sa critical level ang mga bed capacity sa uban nga hospital sa syudad tungod sa daghan nga mga naka-admit nga pasyente positibo sa maong sakit.

Pagbutyag sa maong opisyal nga kadaghanan nga nagpositibo mga asymptomatic tungod niini dili gayud mabantayan kong positibo ang usa ka individual sa maong makamatay nga sakit.

Naglaom ang nasampit nga opisyal nga sundon sa katawhan ang kamanduan sa opisyal alang sa kaluwasan batok sa maong sakit.

For more info’s and updates, like and share our official facebook account: www.facebook.com/ifm91.9Gensanofficial/

#TatakRMN #IFMAngIdolKongFM #RMNnetworks #ReachingMillionsNationwide #RMNFoundation

[image: BAHA SA GENSAN 2021.jpg]

Facebook Comments