Sa interview sa RMN Malaybalay ngadto kang Provincial Coordinator sa Covid-19 Vaccination nga si Jennifer Malazarte, gibutyag niya nga anaa na sa 72, 965 ang mga batang nag-edad 5-11 anyos ang nabakunahan sa probinsya.
Lauman nga mas mutaas pa kini sumala pa tungod kay gapadayon pa gihapon ang pagpamakuna sa maong age group ilabi na nga magsugod na usab ang face-to-face classes.
Padayon usab nga ginaaghat sa ni Malazarte ang mga ginikanan nga ubanan sa pagpabakuna ilang mga bata ilabi na sa maong pangidaron aron nga maproteksyunan batok sa maong sakit.
Sa pikas nga bahin, anaa na usab sa 158,031 ang nabakunahan sa nag-edad 12 hangtud 17 anyos ug gilauman usab nga musaka pa tungod kay gapadayon gihapon ang pagpamakuna.
Paghinaut nalang ni Malazarte nga maaghat pa ang uban sa maong mga pangidaron nga magpabakuna ug muadto na sa Vaccination center tungod kay hapsay pa ug gamay pa ang mga nagpabooster.
