Mga naeokpan it firecrackers sa Aklan sa pagselebrar it Paskwa ag Bag-ong Dag-on nag-abot sa 12

Kalibo, Aklan — Nag-abot sa kapin 12 rong mga naeokpan it firecrackers sa probinsya it Aklan sa pagselebrar it Paskwa ag Bag-ong Dag-on.
Raya rong pagpahayag ni Dr. Cornelio “Bong” Cuachon, Provincial Health Officer 1 it PHO-Aklan.
Suno kana nga base sa andang rekord umpisa Disyembre 21 may sambilog nga biktima, Disyembre 31 may 5, Enero 1 may 6.
Magatapos ro andang monitoring sa mga biktima hin-aga Enero 5.
Sa nasambit nga numero hay tatlo rong naeokpan it kwetes, lima sa five star, daywa sa rebentador ag may mga nabikitma man bangud sa pag gamit it luces, camara ag whistle bomb.
Sa monitoring, pinakamaabo rong gindaea sa Aklan Provincial Hospital nga may 8, 1 sa Buruanga Municipal Hospital, 1 sa Ibajay District Hospital, 2 sa Altavas District Hospital.
Dugang pa ni Cuachon nga mas manaba it 37 porsyento makaron rong mga nabiktima kumpara ko nagtaliwan nga dag-on kung sa siin naka rekord sanda it 19.

Facebook Comments