Mga nag-positibo sa HIV AIDS sa Surigao del Norte miabot na sa 58 matud sa HIV Prov’l Coordinator
Miabot na sa 58 an mga nag-positibo sa HIV AIDS sa Surigao del Norte sugod pa adton 1995 hangtud sa kasamtangan. Ini an tag-angkon ni Rosanna Enano, an Prov’l. HIV Coordinador.
Sumaya pa niini, an 58 na ihap an re-active ug 11 sa mga ini an nakumpirmar na pasyente na sa AIDS. Base sa record, miabot na isab sa 5 an patay. Gumikan sa padajon na pagtaas nan ihap sa mga nag-positibo an tagpalapdan na nila an kampanya sa HIV AIDS labi na sa Advocacy hangtud sa tibook probinsiya.
Dugang pa ni Enano , sunod na tuig an plano nila na molibot sa lain-laing lungsod sa paghatag impormasyon sa publiko kon uno an mga paagi para makalikay sa HIV AIDS ug kon uno ka-importante an pagpailayom sa Voluntary Counselling ug testing.
