SYUDAD sang Iloilo – Naganubo na ang numero sang mga nagapaidalum sa rehabilitasyon sa community change center nga ginadumalahan sang Iloilo city government.
Suno kay Dr. Bernard Caspe, City Health Officer, matapos sila nakapa-graduate sang apat ka batches nagnubo na ang mga attendees sang rehabilitasyon sa community change center.
Pahayag ni Caspe, bunga ini sang pag-untat sang Oplan Tokhang sang kapulisan kag voluntary lamang ang rehabilitation.
Sa karon ang ginapaabot nga magadugang sa mga attendees amo ang mga detainees nga nagplea bargain sa ila kaso agud makaggwa sa karsel.
Nahibaluan nga matapos ang rehabilitasyon, may ginahatag nga training ang syudad paagi sa technical institute of Iloilo agud mahatagan sang kinahanglanon nga skills ang mga graduate sa pag-umpisa sang ila bag-o nga kabuhi.
Ginsuguran ang community based rehabilitation sang panahon ni anay Mayor Jed Patrick Mabilog sadtong 2016.//via Joel Franco
Photo from web
