General Santos City–Gipaklaro ni Dr. Mely Lastimoso, ang labaw sa City Epidemiological Surveillance Unit sa City Health Office nga makuha lang ang HIV (Human Immunodeficiency Virus) sa usa ka tawo kung makighilawas sa HIV-positive patient, inahan ngadto sa iyahang anak, ug pag gamit ug paggamit ug dagum nga ginamit sa HIV-positive.
Dili angayang mabalaka ang katawhan sa mga nangkatag nga impormasyon sa social media nga adunay mga pagkaon nga gibutangan ug dugo nga HIV-positive.
Basi sa impormasyon nga gipakatag, likayan matud pang mukaon ug isda tungod duna matud pay tube nga puno ug dugo nga infected sa HIV-AIDS nga gilabay sa dagat.
Gihingusgan ni Lastemoso nga walay kamatuoran ang maong impormasyon gumikan matud pa dili basta-basta mutakod ang HIV-AIDS ngadto sa usa ka tawo.
Gipasabot niini nga ang HIV virus ang mamatay panahon nga mugawas kini sa lawas sa tao ug ma expose sa hangin ug dili kini makuha pinaagi sa mga pagkaon.
