Mga nahibiling kaso sa Covid-19 sa Bula, stable na ang kondisyon

Nanghinaut karon ang mga opsiyal sa Barangay Bula nga dili na madugangan pa ang ihap sa mga namatay gikan sa ilahang barangay tungod sa komplikasyon sa covid 19. Sumala kang Clennil Sustraido, Barangay Secretary sa Bula nga subay sa naunang impormasyon nga gipa-abot kanila sa Rural Health Unit sa Barangay nga kasagaran sa mga nahibiling aktibong kaso gikan sa ilahang barangay ang anaa sa stable nga kondisyon ug uban ang anaa sa nagpabiling asymptomatic.

Mapasalamaton man usab kini nga paspas ang ginahimong contact tracing sa Barangay Bula sa pagpanguna sa Kapulisan, BHERTS ug uban pang ahensya gumikan dili nila gusto nga madugangan pa ang ihap sa kaso covid 19 sa ilahang lugar.

Pag-angkon niya nga ilaha na gyud nabati ang kahadlok sa katawhan hilabina sa ilahang barangay gumikan sa ihap sa kumpirmadong kaso ingon man sa covid 19 related death, rason nga padayon ang ilahang panawagan ngadto sa publiko nga tumanon ang non-pharmaceutical intervention ug ang pagpondo sa balay aron malikayan ang posibleng pagtakod sa virus.(LVR)


Facebook Comments