Mga naka recover sa covid-19 sa Bacolod masobra na sa 70% sang confirmed cases

12

Nagdangat na karon sa 2,955 ka mga pasyente sang COVID-19 sa ciudad sang Bacolod ang nakatigayon nga maka-recover ukon nag-ayo na sa amo nga balatian.

Ini ang base sa ginpagwa nga COVID-19 Case Update sang Bacolod City Health Office as of October 4, 2020 ukon kahapon nga adlaw sang Domingo.

Base sa record, nadugangan sang 59 kahapon ang nag-ayo sa coronavirus disease sa diin 70.39 percent sang confirmed nga kaso ang naka-recover.

Sa karon may kabug-usan na nga 4,198 ang kaso sang COVID-19 sa Bacolod City ukon 0.72 percent sang populasyon sang ciudad sa diin 1,154 diri ang active case.

Samtang wala naman sang panibag-o nga casualty sa amo nga balatian kag nagapabilin nga yara sa 89 ang death toll sa Bacolod City uko 2.12 percent sang kumpirmado nga kaso sa ciudad.

[image: image.png]

Facebook Comments