Pagadian City – Nang apod-apod og tabang ang mga RadyoMaN sa RMN Pagadian sa mga nasunogan nga kasamtangang anaa sa Balangasan gymnasium ning dakbayan sa Pagadian.
Si RadyoMan Melchor Coronel ang nangulo sa paghatud sa tulo ka sakyanan nga hinabang nga donasyon usab gikan sa mga tigpaminawan sa sibyahan human ang upat ka adlaw nga panawagan.
Gibana-banang mokantidad sa P50 mil tabang nga gilangkuban sa bugas, de lata nga pagkaon, sinina, mga putos noodles ug gamit alang sa kabataan.
Mahinumduman nga adunay 57 ka panimalay ang naapektohan sa sunog niadtong Mayo 16 karong tuiga diha sa Purok Sweet Love ug Kahyag sakop sa Barangay Dumagaoc.
Adunay 252 ka beneficiaries ang makapahimulos sa tabang nga gihatag sa kadumalahan sa Radio Mindanao Network ( RMN-Pagadian) uban ang tropa sa 1st Field Artillery Battalion.
